Nytilsett forkynnar og adm.medarbeidar i Sunnmøre Indremisjon, Arild Ove Halås, delte Guds ord søndag 23. september. På ein flott måte fekk han understreka forsamlinga sitt gjennomgangstema i tre punkt:

• Gud vil gi vekst i vårt liv med Jesus. Vi treng alle å vite meir om Jesus og kjenne han bedre: «Vekse i nåden og kjennskapen til han»
• Gud vil gi frukt rundt oss.  Andens frukter ser vi i Galatarbrevet kapittel 5: Dei er er «kjærleik, glede, fred, tolmod, mildskap, godleik, truskap, audmjukskap og sjølvdisiplin».   Halås understreka at vekst og frukter er noko som høyrer notida og framtida til.
• Gud vil gje vekst i si menigheit på jord! Om vi ikkje ser noko vekst mellom oss eller i Europa, tyder alt på at rundt 47 millionar kjem til tru på Jesus Kristus kvart år. Det er heile 90 menneske kvart minutt!  «Det går til seier!» som den gode pinsevennen sa.

Vår kall er å vere trufast der Gud har sett oss, kraftige gjerningar og vekst er det HAN som set i verk i si tid.